Plantun de Prouvènço

Pèr coumpara dos planto d'encò nostre

Lavandula X intermedia & Bolboschoenus laticarpus

Lavandula X intermedia

Lamiaceae Labiaceae

Nom en français : Lavandin.

Descripcioun :
Bello carto poustalo noun ? Lou lavandin es uno planto de culturo. Se saup qu'es uno mestisso naturalo entre la lavando, Lavandula angustifolia e l'espi, Lavandula latifolia. Se destrìo di dos proumiero que fai uno espigo bèn pu grosso. La flour sèmblo proun à la lavando mai a, coume l'espi, dos ramificacioun que parton sus la cambo, alor que la lavando n'a ges.

Usanço :
Lou lavandin èi cultiva desmpièi 1930 (aro, aperaqui 17 000 eitaro). Produ mai d'òli essenciau que la lavando, soun essènci èi proun utlisado en parfurmarié. La varieta la mai coumuno se dis la Grosso.

Port : Pichoto planto lignouso
Taio : Pancaro entresigna
Fueio : óupousado
Tipe bioulougico : Pancaro entresigna
Cicle bioulougico : Pancaro entresigna

Gènre : Lavandula
Famiho : Lamiaceae
Famiho classico : Labiaceae

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto mestisso

Liò : Champ - Colo
Estànci : Pancaro entresigna
Couroulougi : Pancaro entresigna
Ref. sc. : Lavandula X intermedia Emeric. ex. Loisel, 1828

Triangle(-di-làrgi-fru)

Bolboschoenus laticarpus

Cyperaceae

Àutri noum : Liandro, Triangle.

Noms en français : Scirpe à fruits larges, Souchet à fruits larges.

Descripcioun :
Aquéu triangle dóu gènre Bolboschoenus (planto nousado emé de lòngui fueio) trachis dins li canau, roubino e li limoun de ribiero. Fai gaire qu'es esta destria dóu triangle-marin en raport emé la formo de la grano qu'es eici mai larjo. Subretout vèn pas dins li relarg mounte i'a de sau au contro dóu marin. Lis espigo soun mai longo eici. Èi pu tihous de faire la diferènci emé Bolboschoenus glaucus ; pèr acò fau regarda la formo de la grano e l'espessour de l'"exocarpus" (pu grando eici). Coumpara emé lou triangle-verdau que ié sèmblo proun.

Usanço :
Se pòu gaubeja pèr la banastarié, mai avèn ges d'entresigne precis. Escriéure au site se n'en sabès mai. Li canard e lis auco manjon si boudougno.